designers奧斯卡臺下大鬥法!

不知從何時開始, 奧斯卡已經成為了各大品牌宣示權威的一個重要戰場, 無他的, 情況就如小說Fashion babylon 一樣, 為左品牌大名能夠在世界各地報章什誌出現從而為品牌帶來相當的知名度和經濟效益, 區區花費甚至比一段廣告更便宜的價錢為提名人度身訂造衣飾, 穿者覺得獨一無二不會"撞衫", 設計師又能偶爾發發神經任意創意發揮, 又何樂而不為?


氣質絕對是與生俱來而且不只是漂亮女生所配有的,但如遇上如《龍紋身的女孩》Rooney Mara般二者俱備的女生, 硬要穿上典型色彩班爛拖尾長裙的話就絕對會出現災難性場面. 故這次Givenchy 選擇讓她穿上精緻Deep V白色禮服, 簡約不造作, 感覺輕盈之餘亦能突出她的氣質美.


同樣是白色晚裝, 但只要用上不同質感布料也能夠做出截然不同的neat and clean. Gwyneth Paltrow 這次穿上由Tom Ford設計的長身白色緊身晚裝連Mono Tone斗篷, 抹去濃妝豔抹,頓時變得清麗脫俗. 完美演繹了minimalism在紅地毯的可能性.


"後浪"身型不夠"前浪"優勝無疑是對所有年長級女星在紅地毯的一大考驗! 但對於經常暴光於星光熠熠大場面的GUCCI, 要為她們素造招牌貴氣look又有何難度? 今年GUCCI為Cameron Diaz 穿上Sand Color 無肩帶碎尾長裙並加上如沙一般的刺繡效果. 裙尾的精細處理令我們的視線都不其然由她的身材移到衣服本身.


正所謂沒有對比又怎能分出高低? 在紅地毯亦然, 影后後選人之一 Michelle Williams 本身有點baby fat,再穿上Louis Vuitton 露肩訂製晚禮服, 作為亮色系的橙色在紅地毯上顯得"不夠功力"之餘還要加上繁複的車縫處理令到整體視覺上變得擁腫無重點, 還硬要在腰間配上水晶扣針和配上粉紅色clutch, 頓成了穿衣的錯誤示範.


毫無疑問穿上紅色裙款出席紅地毯活動是非常好的選擇, 白晢皮膚的Emma Stone 穿上Giambattista Valli 紅色長裙加上LOUIS VUITTON Prefall 2012 high jewellery collection, 感覺摩登可愛.


同樣是紅色, 但黑天鵝Natalie Portman就選擇穿上vintage 波點dior 長裙, 雖然裙腳長度有點奇怪, 但一樣charming.


Sarah Burton亦代表了品牌Alexander Mcqueen 為Jessica Chastain 做了訂製禮服. 禮服由大自然為靈感, 用上黑色真絲organza以及用上金, 銀, 金屬線作人手刺繡, 深沈黑加上金銀元素輕易就能做出貴族感.


出爐影后Meryl Streep 穿上由LAVIN 特別訂製的金色針織長裙, Lanvin 招牌Draping technique 加上懸索性極高的針織料, 使到Meryl Streep 一舉手, 一投足都變得神采飛揚.


有人著得花枝招展, 亦都有人著得性感, 型格兼備, Angelina Jolie 穿上 Versace 天鵝絨低胸長裙, 雖然黑色+絨面+長裙是紅地毯的不死元素, 但總需要看款式的, 一看到這套晚裝, 對不起, 我立即想到了Marc Jacobs 2009 FW 款式.


像與不像, 視乎每個人的看法, 但反正就覺得感覺相像了.


不論明星公關們有多小心謹慎, 都難免出現"疑似撞衫"的情況.Rose Byrne 和Anna Faris 就是今年度的最佳例子, 雖然一件Vivienne Westwood, 另一件出自 Diane Von Furstenburg, 但因為同樣用上搶眼黑色珠片紗做出奪目長裙, ��間一看難免覺得相當眼熟.

雖然說奧斯卡如戰場, 女仕們為靚鬥過你死我活, designer們又在不停估量穿他們作品的人到明天會有多大回響, 其實對我們一般大眾而言, 其實看得過癮, 學懂一點穿衣大忌就已經非常足夠, 無他的, 人生性"八卦"嘛! 以上的女星都是我個人選出的今年度奧斯卡之"最", 當日出席既女星又點會得以上咁少? 快點上他們的官網重溫吧!

http://oscar.go.com/

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港時裝設計學生另類成名攻略﹣中國真維斯設計大賽(下)

為左了解國內比賽環境同實況, 我決定參加一個中國歷史最久既比賽-中國真維斯設計大賽, 係能夠順利進入決賽之下, 我可以由區賽至決賽, 了解晒整個比賽既全部! 對我依個中國比賽新手而言絕對係一個非常難得既機會, 正所謂"知己知彼,百戰百勝", 有一個大賽分析絕對可以比到一支強勁強心針比唔少香港時裝朋友仔!

當我係廣州時裝周拿下獎杯之後, 當晚就舉行一個比賽分享會, 一眾評審以及我們所有選手都會眾首一堂一個個分享自己既系列比大家聽, 然後評審們會就你既系列給予好多建議, 情況就好似我們係學校sem尾presentation一樣, 分別既就只係分數結果已經塵埃落定, 建議只係bonus. 身邊好多朋友一聽到依一到都會覺得有d驚, 好怕當眾present 仲有比六位評審點評, 但其實依個只係好causal既分享, 無須太過在意, 而且評審既建議都係中肯同可取既, 難得有咁多位有份量既designer係到比建議你唔係非常好咩?

番到香港大會就會force你係一個月內去做多一套衫, 由初賽一個系列五套到決賽需要六套, 途中仲要修改前五套衫出現既問題, 以我已經有一份全職黎講絕對係吃力的, 不過過程絕對值得同開心! (相信好多讀fashion design既同學仔都會有同感, 每一次雖然要通頂做設計, 但最後見到成品都係非常之興奮同滿足)

有人會問, 國內比賽係咪真係pro? 其實係國內玩比賽, 日程大都係四至五日, 比賽係尾二果日, 之前既日子, 係不斷咁rehersal, 係北京既時候, 什至乎由0830"her"到夜晚2200都會發生! 而且在場既dresser都係充滿經驗既全職穿衣姐姐, 講pro講認真, 其實國內比賽絕對唔係差既! 而且宣傳度亦都相當之高


北京我來了!


一來到北京會場, 其實會場比廣州既細不過始終都係CHINA FASHION WEEK裡面既一個重點項目, 所以傳媒數量非常之多! 而且評審團亦都係國內知名設計師, 所以論比賽專業性以及新聞覆蓋率絕對稱得上國內第一! 講到依到可能大家都仲未好信, 絡終香港無宣傳嘛!就以我為例子, 睇下我係比賽後拿到全國亞軍得到有有幾多既宣傳***


依家係GOOGLE上面只要打上"真維斯"加上自己名字"潘文豪", 已經有22,500 項結果!!! 依一樣真係唔係普通一個比賽就可以得到既宣傳量!


除此之外, 仲得到左中國服裝網專訪! 分享自己對設計既睇法!


紡織中國在線亦都有我個人專訪!

如果細心再上網搵下, 其實仲搵到更多有關我既訪問, 所以話國內既比賽絕對唔係D咩"玩左無咩用"既比賽, 而我依次選擇體驗既真維斯設計大賽絕對係一個可以幫助到我地時裝設計好多既一個比賽, 如果身邊有讀時裝設計朋友仔佢地又擔心緊自己點樣"出道"既不妨可以諗諗國內比賽. 始終, 香港大型比賽的確有限, 如果想要突圍而出, 就要靠自己啦!

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港本土品牌聯合fashion show@時裝視野

係嚴重宣傳不足的情況下相信沒有很多人知道今年是"香港設計年", "香港設計年"其實由香港設計中心主辦，創意香港策劃, 旨在推廣香港設計，加深市民對設計的認識，把香港發展為亞洲之設計集中地及創意中心的一個活動年,而係依一年入面, 打嚮頭炮既就有為期九個月既「時裝．視野」展覽,當中除左會有固定展館展出香港FASHION DESIGNER既作品之外, 仲會不定期加插FASHION SHOW, 使廣大既朋友能夠一賞"睇SHOW"既快感!

係岩岩過去既星期六, 沙田文化博物館就舉行左一場以本地新晉DESIGNER為題既FASHION SHOW. 展示左CHEWTHECUD, MUTT MUSEUM, DAYDREAM NATION, PLOTZ, FAVE 以及SOVEREIGN ROMANCE 既最新設計. 而我為左一次過睇晒咁多個品牌既最新作品, 當然就立即去左撐場支持一下!


2012香港設計年, 如果唔係自己有心上網搵資料, 相信係絕對唔會知道有樣咁樣事, 不過, 如果一個香港設計年可以幫助到香港年青一代既設計師PROMOTE自己品牌的話, 其實多辦幾年都絕不為過!


位於沙田文化博物館內既天橋-當日FASHION SHOW既表演場地以簡約為主, 重點介紹設計師系列.

一如以往, 一去到會場我都會好奇八卦咁周圍望下每場SHOW會有咩類型既觀眾欣賞, 一般既FASHION SHOW, 絕離不開不同類型既時裝友, 記者, 以及FASHION EDITOR, 但係依次既SHOW就是例外的一個! 我很高興見到穿著住中小學校服既學生由老師帶領睇SHOW, 仲有一家大細推住個"B"入黎睇SHOW, 什至乎公公婆婆都黎睇埋一份! 將FASHION DESIGN 依樣野推而廣之, 教育下一代, 絕對係一個非常好既現象! 如果政府可以KEEP住對FASHION DESIGN 依份熱誠再教育同宣傳一下, 香港時裝絕對可以KEEP ON發展落去, 發展得愈黎人好而再唔係一樣比自己人睇唔起既一個行業.

其實FASHION SHOW既其中一樣功能好應該就係咁, 教化作用後市場上先會多左對於時裝既DEMAND, 有DEMAND先會有SUPPLY依樣野正常不過, 依家FASHION SHOW再唔係一個只為行內人, 不同品牌既VIP搞既一個節目, 但耐何不同品牌既FASHION SHOW都總需要向佢地既客人(包括傳媒人, VIP, 名人, SUPPLIER)交代, 所以久而久之就演變到現在拎張飛都要爭餐死既一張SHOW.

講番場SHOW, 當初我都會不停地諗六個品牌可以點樣分享一個SHOW 既時間? 品牌與品牌之間既過場時間會唔會好奇怪? 好彩, 音樂幫到好多忙, 每一個品牌系列行出黎之前都會容許佢地播出自己品牌系列既主題音樂, 令到我地可以係二十分鐘內, 好SMOOTH咁欣賞晒六個品牌.


Sovereign Romance 系列以釘珠, DRAPING為主, 系列非常之GRAND所以得到唔少明星支持.


MUTT MUSEUM 系列以DENIM(牛仔布)設計出不同中國旗袍款式, 可能睇完金陵十三釵既關係對於旗袍既設計特別敏感, 而MUTT MUSEUM 更做出了跟我們平常認知"旗袍"另一面既感覺.


PLOTZ這季以FRINGE(流蘇)作為主打來做不同類型單物, 個人特別喜愛其LEGGING 既設計, 加上FRINGE就是特別得來又易穿.


品牌CHEWTHECUD 副線 CHEWED 系列, 以STRIPE(條紋)貫穿整個系列, 當中以白色OVERSIZE 襯衫拼黑色NYLON外衣既STYLING 最為殺食.


DAYDREAM NATION 以動物園作為主題, 展示左唔同既物物PRINT(印花)以及用牛皮仿動物外型做成的大大小小的頭飾設計.


FAVE 系列大玩撞色加上令用像紙一段質感既SYNTHETIC FABRIC做出簡約而不簡單的款式最令我留下印象.

短短二十分鐘, 睇到六種不同風格既香港本土設計, 品牌風格鮮明且原創性亦都非當之高! 所以話香港並唔係無好野, 只係睇我地肯唔肯留意係我地身邊發生緊既一切一切者!

以上既圖片只係按我個人喜好而作一些紀錄, 但每個品牌既系列又點只得咁少設計? 如果對於佢地有興趣既朋友記得上網search下啦! 多多支拎LOCAL FASHION BRAND!

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港張叔平與他的金陵十三釵

張叔平, 一個大家都會覺得熟口熟面但就硬係唔記得佢係邊個既一個名字, 但每當我地將依個名跟王家衛電影"長恨歌", "花樣年華", "2046" 連上, 就會諗起無數個經典造型, 如果無左"他", 鄭秀文會怎樣長恨? 又有如何花樣的張曼玉以及奢靡的王菲? 佢, 就係一個香港首屈一指既美術指導, 其個人風格影響左好多佢做指導既電影基調.

最近, 就因為金陵十三釵, 令我再一次"重新認識"佢既藝術觀.


籌備左四年,金陵十三釵於2012年將南京大屠殺既場面真實表現比大家睇.

原諒我到近期先真正抽空睇依套戲, 看了這套電影的朋友們跟我說這是一場不可多得的史實戰爭片, 但說實在, 可能是自己職業病發作, 在看過這套電影TRAILER後唯一令我雙眼發亮的是螢幕裡面的十四位秦淮河畔風塵女子, 吸引的, 不是因為她們的美, 而是因為電影所賦予佢地既形象 - 一個個穿上modern cheongsam(旗袍)從髮型, 妝容上的精心設計令到每個角色未演就已經活靈活現, 再加上肢體動作及表情, 令到每個人都得到了獨有的神韻, 令我依個平時唔多'好'戰爭片既人都好想去入戲院看過究竟.


雖然造的是旗袍設計, 加上電影歷史背景的限制, 但張叔平還可以在這些限制之上造出創新吸引的形象.

自問自己係一個好emotional既人, 每一個畫面都可以令我link up到好多相關既人同事, 所以一般自己都唔會選擇一d"強迫自己面對人性真面目"既戲種黎睇, 所以今次因為張叔平而睇, 感受更大更深. 因為見到久違既迫真場面, 歷史關係令到畫面太過貼近我們, 由血猩場面到教堂人性表現, 都覺得場面美得慘不忍睹, 你會覺得雖然場面太過恐怖血腥, 但同時亦都存在住"美"係入面, 絕對唔係一般戰爭恐怖片咁噴血都無厘美感, 雖然睇到一半都已經有一種"唔忍心再睇落去既感覺", 但都未至於真係會離場冷靜.


張叔平為十三釵所設計的服裝手犒


張叔平既細心同埋佢對美既獨特眼光可見於佢設計既旗袍, 性感內衣、吊帶SOCKS、裘皮大褸、唱詩班女仔既校服，軍人的德軍服装等等, 什至乎為左令到歷史迫真程現, 更到不同古董店找尋三十年代LOUIS VUITTON 式既的箱子， 飾品， 這等等無一不令人留下深刻印象. 而所設計既每個"十三釵"的髮型每天都需要用上三小時以上才能完成, 可見香港美術指導並非等閒之輩.

一齊了解香港張叔平


張叔平，香港著名電影美術指導及服裝設計師，曾獲多屆香港電影金像獎最佳美術指導獎，2000年憑電影花樣年華奪得第53屆康城影展技術大獎。

原籍無錫。在香港讀中學，畢業後曾做布料設計工作，同時修讀香港大學的藝術校外課程。

他是香港著名導演王家衞所有電影的美術指導，並在《旺角卡門》裏兼任演員，從《東邪西毒》開始更為王家衞所有電影擔任剪接。

獎項
23屆金馬獎最佳美術設計《最愛》
23屆金馬獎最佳服裝造型《夢中人》
29屆金馬獎最佳美術設計, 最佳造型設計《阿飛正傳》
30屆金馬獎最佳美術設計提名、最佳造型設計提名《新龍門客棧》
32屆金馬獎最佳剪接《墜落天使》
32屆金馬獎最佳美術設計《墜落天使》
32屆金馬獎最佳造型設計提名《新夜半歌聲》
33屆金馬獎最佳造型設計提名《風月》
37屆金馬獎最佳美術設計提名, 最佳造型設計《花樣年華》
38屆金馬獎最佳剪接, 最佳美術提名, 最佳造型提名《藍宇》
41屆金馬獎最佳美術設計、最佳造型設計提名《2046》
（共得到9次金馬獎）
第8屆金像獎最佳美術指導《旺角卡門》
第10屆金像獎最佳美術指導《阿飛正傳》
第12屆金像獎最佳美術指導《笑傲江湖2東方不敗》
第14屆金像獎最佳剪接《重慶森林》
第14屆金像獎最佳美術指導《東邪西毒》
第14屆金像獎最佳服裝造型《東邪西毒》
第15屆金像獎最佳服裝造型《夜半歌聲》
第20屆金像獎最佳剪接, 最佳服装造型《花樣年華》
第20屆金像獎最佳美術指導提名《花樣年華》
第24屆金像獎最佳美術、最佳服裝《2046》
（共得到11次香港金像獎）

如果仲未欣賞過張叔平既金陵十三釵依家又想睇既就記得就係今個月12號落畫之前去睇啦!

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港時裝設計學生另類成名攻略﹣中國真維斯設計大賽(上)

設計得到社會認同, 大眾獎賞係唔少人既願望, 而係FASHION DESIGN依一行, 相信比賽係唔少讀緊書既朋友仔幫自己”出道“既一種最熱門方法! 但可惜係香港又缺少大型而有權威性既比賽, 同一時間， 讀時裝設計既人又愈黎愈多, 當DEMAND 同SUPPLY 如此失衡既時候, 我地依班時裝設計友又可以點算? 唯有就係尋找香港境外既其他比賽! 而最近最方便既, 就當然係中國!

但身邊有唔少友人聽到”中國比賽“四隻字就會覺得 ”唔係掛，要番大陸玩比賽，咪預我!“ 因為大多數既人都會覺得中國比賽又“雞”玩左又無人知, 但係依家我地仲係咁諗就錯啦! 因為中國本身亦都會有幾個知名既大型設計大賽, 水準亦都有番咁上下絕對唔失禮, 而且, 中國市場愈黎愈大, 依D大型比賽宣傳度又高, 身為新一代時裝友如果想第日出人頭地絕對有需要在國內提升自己既名氣, 為自己既將來鋪路.

所以係岩岩過去既九月份, 我亦都決定小試牛刀, 參加左一個中國歷史最悠久既時裝設計比賽-中國真維斯設計大賽, 實行以第一身身份， 了解國內比賽最真實既一面！

什麼是真維斯比賽?
真維斯比賽自1993年就已經開始舉行,至今已經舉行左20屆, 當中由中國服裝設計師協會同中國服裝協會主辦, 並且得到香港時裝設計師協會, 中國紡織報, 吉林衛視同優酷網等等協辦,陣容咁強大又有咁多年既舉辦大賽經驗, 一睇都知唔少野!


真維斯大賽係中國具歷史既時裝比賽, 係一個全國性既大賽.

其實國內比賽形式同香港比賽大同小異, 分別既係依個比賽只需要我地交一張A3 SIZE既BOARD但當中入面要包括6套衫既illustration(時裝插圖), 同production drawing(生產圖). 同我地平時交一份portfolio 有一定既出入, 所以係排版上面要花多一點心機.

交左圖之後, 大會大約半個月內就已經發左入圍通知比我啦, 效率算係相當之快! 由於依個大賽參加既人實在太多(全國大約有六千人), 所以佢地分左區賽, 同決賽. 佢地以東南西北將中國分為四區, 係每一區選出二十位參加區賽, 再係當中選出頭五名到北京參加決賽!

而我地香港就列入為南部賽區, 係九月廣州時裝周內舉行, 我地香港既選手仲可以得到大會既特別待遇安排左旅遊巴將我地既系列連人帶行里一齊運上廣州! 算係應真唔話得!(試諗下如果自己一個人拎住5套衫仲要加埋自己行里真係想像唔到可以點上車, 依方面實在要多謝大會!)


分區比賽係廣州時裝周內舉行

係路程上, 自己同身邊既朋友一樣, 都會擔心到場地問題, 好歹都係自己既一套COLLECTION, 當然想係一個似樣既平台上面同展示出黎啦! 所以我到步第一件事就係立即去會場睇環境! 發現雖然只係一個分區賽, 但係場地既裝潢同佈置做得一D都唔馬虎, 比起大家想像中國內比賽"雞"既一面完全唔同! 話晒都係國內知名大賽, 安排果然有番咁上下! 而且一連四天既日程排得密密麻麻, 當中亦都有吉林衛視既人全程直擊, 完完全全感受到依一個比賽唔係淨係'玩'咁簡單!


廣州分區比賽場地, 什至比起一段香港FASHION SHOW既場地更加好睇.

好啦, 場地燈光音樂都無問題既時候, 我地就會FOCUS係MODEL既表現啦!
國內既MODEL 真係唔算太PROFESSIONAL, 樣唔算太差只係行得唔夠好, 不過! 佢地太部份都NICE過係香港見過做比賽SHOW既MODEL, 國內既MODEL好多都好願意同你溝通, 做你所希望既展示方法, 佢地欠既, 就只有經驗同埋行出臺果份'絕對自信'! 如果唔係我相信佢地應該有更大既發展空間! 在我立場黎睇, 係比賽SHOW遇上依一類既MODEL實在唔話得, 至少, 有人會尊重你同埋配合你嘛!


安排穿我系列既MODELS表現中規中矩, 但總好過一些自以為自己係TOP MODEL既MODEL.

分區賽整體感覺
比賽對於選手既重視度其實真係相當之高, 而且佢地會重視你比佢地既意見, 希望作出最好既安排, 當然啦, 國內既安排始終比較亂, 最嚴重係試過主辦單位同場地主官溝通不足令到所有工作人員包括MODELS同埋我地依一班選手被迫出場地之外數小時! 雖然當時真係"好唔GUR"但係依家諗番都算係一個唔錯既經驗去比自己去成長!


分區賽場地燈光MODEL都配合得到, 絕對可以營造出相當既FASHION SHOW感覺, 整場FASHION SHOW絕不比香港的遜色.


仲未比到信心你? 大賽既評判仲有包括左香港代表(左1)鄧達智,(左3)張路路.

到最後自己既系列亦都可以順利入圍參加北京決賽, 係決賽所體驗既就更加之多得一篇文章唔能夠寫晒! 經過左區賽之後, 首次體驗左國內比賽既流程同埋質素, 無可否應係國內既比賽質素相當參次, 但我地只要選岩比賽, 其實都會有相當既發展空間! (續)


------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/