櫥窗對於一個品牌有幾重要?

D&G禁攝風波成為左香港2012年第一件打響頭炮既時裝界大事, 亦都帶起左唔少人對於點解大牌子唔比影相既疑問. 依家D&G事件都總算告一段落, 不如撇除所有民族分化, 文化差異問題, 試下以設計角度就櫥窗設計分析一下.


D&G事件引起全城關注, 亦都係一個重要既機會向大家分享櫥窗對於一個品牌既重要性.

唔知大家聽到櫥窗設計既時候第一時間會諗起D乜? 會諗起各大小商店係鋪頭門口放三兩個公仔出黎著住D衫, 定係放滿減價貨品迫爆鋪頭門口既畫面? 相信大家係香港街頭都對於以上類型既鋪面設計見怪不怪. 但如果你地相信咁樣既就叫做好既櫥窗設計, 就真係大錯特錯啦!

*香港本地街鋪既櫥窗設計靚唔靚就真係見人見智啦!

對於一間鋪頭黎講, 櫥窗設計有咩作用?
其實,櫥窗設計(Visual Merchandising, 簡稱VM)係一門重要既學問, 有研究顯示, 每個遊客(包括你同我)係行街shopping既時候, 平均只會望一個VM最多5秒, 而依個黃金五秒對於一些我地未接觸過既品牌就更重要, 因為只係需要五秒, 仲快過打咳嗽既時間, 就成為左"我地會唔會入去消費"既重要因素, 所以, 各大品牌對於自己既櫥窗設計都不敢馬虎, 情況就正如依家好多品牌FASHION SHOW 都會出SHOWPIECES一樣, "唔賣得, 但SELL得"

而且，現今既VM, 已經再唔係單單作"商品展示"咁簡單, 佢地可以稱得上係一門藝術, 一門作為品牌同遊客溝通既藝術.

時裝, 由錯覺同埋氣氛組成, 依D都係INTANGIBLE 既元素, 所以好多時VM就成為左表達時裝理念，品位既重要媒界, 大家睇下JOYCE MA 王國(JOYCE 同LANE CRAWFORD), 同埋沈嘉偉既I.T., 大家唔係都因為佢地品牌VM既賞心悅目而吸引到你地係人來人往既街頭注目欣賞研究什至有想入去再了解既衝動? 講真, 就算我地賣唔起佢地既野, 但佢地既大名亦都會因為出眾既VM而令到我地留下深刻印象.


有陣時如果一個系列係講緊一個STORY, 我地點可以從一件衫了解得到故事既全部? (Alexander McQueen fall 2008-09)



在2011年三月LANE CRAWFORD跟本地畫家JACK LEE CROSSOVER 合作設計繪畫VM.


本地鋪當中以JOYCE最為落力設計VM， 圖為2009年JOYCE為其引入牌子ALEXANDER MCQUEEN作VM宣傳

所以, 對於現代有品牌概念做BACKUP 既品牌黎講, 櫥窗設計就已經成為左佢地既重要品牌資產之一, 當然, 依樣只係行內既共同認知, 但諗深一層, 當自己品牌櫥窗設計成功左, 就梗係唔想比人地抄橋啦! 依個絕對係人次常情!

但世事往往係矛盾既, 試問好既野, 又點會忍到手唔影? 當年我行過LANDMARK, FASHION WALK, LANE CRAWFORD等等既鋪頭既時候, 見到真係靚到不得了既VM我都會有想影相留念既衝動, 但當然啦, 最後都係比保安人員以9秒9既速度阻止左, 之後我亦曾經係幾間國際品牌到當過兼職, 情況亦都係差不多, "唔比影相"已經係指導VISITOR既RULES之一. 自問我都唔係一個聽話既人, 遇到依D情況我都會問自己一句點解唔可以咁做(因為問保安其實真係好多餘, 佢地都只係按ORDER做事, 如其係咁, 不如問自己), 當明白到VM對於一個品牌既重要性之後, 就會開始識得尊重, 欣賞.

所以, 其實VM既魔力真係可以好大, 對於各大品牌，VM往往存在著比我地所想更為緊要既價值, 如其我地不斷向不同品牌宣戰, 倒不如去選擇尊重, 了解同欣賞, 就當佢地係其中一件藝術品, 可觀而不攝, 更顯我們對文化事物既認同同尊重.

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港特色時裝潮牌CHEWTHECUD

新一年每個人都會有自己既願望, 而係我既朋友圈中, ”創業”就成為左我們最常討論既話題同願望. 事關每個係香港讀設計既人, 到畢業都會諗到一個問題, 究竟要為藝術而堅持, 定係為兩餐而活?

香港本地設計品牌CHEWTHECUD就係我身邊其中一班選擇追尋自己理想既朋友, 三位設計師ANGELA Ng, CASEY Ng 以及ZOE Li同樣黎自香港理工大學時裝及設計學系既畢業生, 係2009年, 當我同佢地一樣仲讀緊大學YEAR TWO 既時候佢地就已經萌生左個人品牌CHEWTHECUD依個念頭, 實行由自己作主動, 以市場反應反映價值!


CHEWTHECUD點解?
CHEWTHECUD 品牌黎自英文 chew the cud, 有反芻的意思(對事物反復追惚, 回味). 依個意思同樣成為左佢地品牌既一大特色, 以設計師獨有一套既思維去反復思索社會原有既服裝單品, 再用他們的眼光同技巧將佢地重新定義.


CHEWTHECUD為香港少數以獨特設計為賣點既設計品牌

因為佢地有左同現今市場上唔同既定位, 所以佢地既第一個系列自2009年係detour擺攤時就吸引左唔少人既注意同賞識, 並受邀到德國, 日本參展, CHEWTHECUD除左得到世界注視之外, 仲得到好多影視明星既支持, 當中包括有唐寧, 周國賢, 何韻詩, 泳兒, 謝安琪, 盧凱彤, 何潤東, 棒棒堂, 鄭秀文!何佢地風頭之勁真係咪話香港設計唔得!



泳兒, 謝安琪, 鄭秀文, 何潤東一齊潮撐CHEWTHECUD!


盧凱彤係佢最新既MV"哽咽"就以一身CHEWTHECUD示人

雖然得到各方支持, 但係CHEWTHECUD都仍然以設計為中心, 係岩岩過去既HONG KONG FASHION WEEK, 就以嘉賓身份於HONG KONG YOUNG DESIGNER CONTEST(YDC)推出最新2012 Spring Summer系列, 以網布以及間條棉有作為主要布料做出食鬼中錯綜複雜的迷宮,營造多元視覺效果.


CHEWTHECUD 2012 Spring summer 系列以食鬼當中既迷宮為主題寓意人生犯錯不緊要, 輸了可以重新開始!


CHEWTHECUD 2011 FALL 系列同樣以怪CUT作為主打推出SILHOUETTE(外型)特別的服裝單品.

經過兩年既努力, CHEWTHECUD 由無名小卒躍為明星熱捧潮牌可謂香港時裝設計界既好例子.
其實香港時裝設計並唔係無好野, 只係睇我地肯唔肯去留意同支持多D本土設計. 香港設計師都係有夢想, 有創意既一群, 我地每個人行前一步支持香港設計, 我相信要香港成日真正的時裝之都並唔係無可能.



如果想知道更多既本土時裝品牌比大家認識, 記得要留意我依個BLOG啦!


All reference photos from CHEWTHECUD
------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

顏色配搭大件事!

新年快樂!

雖然北京孔教授既六分鐘言論震盪左我地每一個香港人既心, 但始終新年一家人聚埋一齊係難得重要! 有關民族矛盾既問題就先放埋一邊, 開開心心過年啦!

今日去左唔同既親戚朋友屋企拜年, 見到街上面多左好多著得光鮮既男女開開心心咁去拜年, 一時之間我腦海入面亦都浮現左一個係我心入面好耐既諗法: 其實我地東方人接受顏色既能力都非常之高! 但係, 顏色配搭方面就認真有待改進!

唔少既朋友都會覺得襯衫已經係一件好難既事, 如果仲要襯埋色就真係會”handle唔到囉!” 所以好多時我地就會一味著住黑白灰依D最穩陣既顏色去出席各大場合. 點解? 因為點襯都無人話你襯錯色囉!

顏色配搭其實唔難, 只要顏色配搭得宜, 我地既可塑性就會變得相當之大, 而我地比到人既first impression (第一印象) 亦都會因而改變! 以下提供我自己經驗得出來既一些技巧比大家參考, 實行從衣服顏色入手, 為生活增添多幾份色彩!

其實係衣服顏色配搭上面, 主要係分左MONO-TONE(同色系) 同CONTRAST(對比色系) 兩種.

MONO-TONE
MONO-TONE(同色系), 泛指會以同一隻色/相似既顏色去執一個OUTFIT出黎.
選擇單一色系著法會比到人一種完整性, 因為顏色單一集中, 所以觀眾就會視顏色為主要既FOCUS, 至於衣服本身既DETAILS就會變成次一等重要 所以, 我地可以從Coloration直接理解唔同顏色比到我地既感覺.
但由於咁樣著唔少人都會話”哇咁咪好誇張 係街到實比人望實晒!” 所以好多時我地們都避免左依種著法, 就算著都只會選擇黑色, 因為夠型嘛!


要成身都係得一隻顏色的確需要好多既勇氣, 如果接受唔到既, 全黑都唔錯呀!


黑色從來都係不死既色系, 黑色除左代表住神秘, 亦都變成FASHION既代名詞. 因為遠至設計師COCO CHANEL, YVES SAINT LAUREN 去到近代RICK OWENS, HEDI SILMANE 都努力推崇依隻顏色嘛! 咁的確黑色真係會著得人瘦D既!


黃色好蝦人著, 事關佢係一種擴張色, 著左佢既人會變得較肥, 適合偏瘦既人著.


米色雖然係一種最Soft既色, 但同時比人一種唔係咁精神既感覺, 所以選擇依一隻色既朋友都會以比較精神既妝容作配合.


白色絕對比到人一種PURE既感覺, 因為白色屬於光系, 會令到我們"唔敢直線", 所以如果唔係走女神路線既就要三思!


至於用相似顏色執執成個OUTIFT出黎就係最容易PICK UP 又唔會太誇張既著法, 因為只要用番同一個COLOR TONE(色系)去襯一套衫, 襯錯衫既失敗率係非常之低!


用相似既顏色組合一個OUTFIT出黎絕對唔煩又唔難, 仲要穩陣得黎有D野睇.

CONTRAST
CONTRAST即係對比, 同時我地亦都可以叫佢做COLOR BLOCK, 即係利用唔同既顏色去拉搭一個OUTFIT出黎. 係依一方面, 好多人都會好怕唔夠膽試, 就算夠擔既好多時都係"藝高人膽大", 到最到撞得太誇樣衰既都只會係自己. 如果大家想試但又唔想襯錯色, 不妨最係FASHION MAGAZINE 到抽自己覺得鐘意既顏色出黎, 再直接係街上面買相類似既顏色組合, 咁樣失手既機會就會減到最低.


撞色的確唔係個個都HANDLE得到, 有心人如果想試的話都係信番FASHION MAGAZINE比大家既COLOR TONE 好D.


顏色實在太多係到不能盡錄! 其實我講左咁耐, 都係想話比大家知除左黑色之外, 時裝界仲有好多隻唔同既顏色等緊我地, 如無必要既, 就唔好再用黑白灰咁悶啦! 我相信每個人都會有一套自己鐘意既色系, 只要自己喜歡既, 其實著上身又使乜怕? 只要著得MAKE SENSE, 就會成為左你自己個人既SIGNITURE!



係到祝大家新年快樂! 記得KEEP住關注我呀!



*All reference photos from ANCE.
------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

新年MUST HAVE ITEM?

非常感激大家對我既關注! 得到你地既支持真係非常重要, 只要有你地, 我會寫好每一篇既文章, 將我係FASHION依個範疇入面, 所知, 所體會既分享比大家. 希望我既小小努力, 可以幫助到大家對時裝既認知! 正如我開依個blog既宗旨: It is not money that makes you well-dressed: it is understanding. (Christian Dior)

講番正題先, 仲有一日就到左萬眾期待既龍年! 唔知有大家買定新衫過年未?

雖然我地依個年代Fast fashion 已經攻陷左香港, 從好早期既ZARA, H&M 到上年年尾開既GAP, 就連FOREVER 21 都已經係今個月進駐左香港地區, “買新衫”依樣活動已經唔再係新年獨有既活動. 但正所謂新年大過天, 著住一套光鮮既衫去拜訪朋友親戚們絕對唔少得! 所以, 就當比多個理由自己去再去睇靚衫啦!

每當需要買衫既時候, 好多身邊朋友都會問一個問題: 今季興咩著咩先好?
正因為依個已經成為左我地非常關注既問題, 坊間既報章雜誌都會好體貼設定左好多季度MUST HAVE ITEM比大家選擇. 講到依到, 如果大家認為我會開始好’行’咁介紹今年興咩既話就一定令你地失望啦! 因為如果你地認為MUST HAVE ITEM = 必買ITEM, 著左MUST HAVE ITEM = 潮, 咁就大錯特錯啦!!

大家有冇發現香港街頭上既人著衫黎黎去去都係果幾種STYLE? 又點解我地上網睇到人地時裝人可以個個都著到唔同風格? 其實最主要原因就係我地對於時裝雜誌上既宣傳有唔同既睇法: 我地好多時會當fashion 雜誌係天書咁照住內容跟住著, 而佢地只會當fashion雜誌係參考書咁思考點樣利用今季大熱款式作出最適合自己既打扮, 正因為咁我地就會有咁大既分別!

其實當理性番黎我地身邊既時候, 我地都會理解到我地每個人都會有自己既character(性格). 試諗下, 星座都分12個啦! 而一個MUST HAVE ITEM LIST又點可以滿足晒我地幾億人不同既性格?


同一件衫, 著係胡杏兒同李詩韻兩個唔同character既人身上, 已經有好唔同既感覺. (TVB劇集"換樂無窮")

所以當我地睇到MUST HAVE ITEM 既字眼既時候, 千祈唔好貪懶照住做就算, 我地真係要認真了解自己既身型有咩優點缺點, 再按自己既style去選擇適當既時尚單品穿著.要知道, 了解自己身體同character係非常重要既一環, 如果硬要穿著當季不合你的衣服時, 輕則你就會穿到好MK, 重則暴露自己既身型缺點!


著錯衫會有咩後果?


想唔想香港可以好似巴黎街頭咁著衫著到個個人既風格出晒黎多姿多采到目不暇給? 咁就要靠大家每人既一小步, 了解自己再著衫啦!



其實, MK 同潮好多時都係一線之差, 著衫都係跟番自己character先最好.
係到預先祝大家新年快樂! 大家都搵到自己既style!!!



------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp
http://zacpoon.blogspot.com/

香港設計新力量 Young Fashion Designer's Contest 2012 @ Hong Kong Fashion Week

最近除左D&G最為大家關注之外, 唔知大家有無聽過"香港青年時裝設計家創作表演賽"(簡稱YDC)?相信讀時裝設計既朋友仔對於依個比賽一的都唔會陌生!

依個由香港貿易發展局搞既全港最大型時裝設計比賽每年都會係灣仔會展選出不同類型既新進香港時裝設計師, 而今年既比賽就已經係今個星期二完滿結束左! 作為香港時裝設計一份子既我, 當然有去撐場!


設計精美既場刊同入場卷令我對於今年既比賽加唔少分!

講番今年既設計, 今年好多參賽作品都用左雪紡, 絲等等輕盈既物料來做出層之感之外, 亦用上特別物料如潛水衣料, 頭髮, 令到整個比賽可觀性大增!雖然獎只係得4個, 但係好既作品又點止得咁少?


用頭髮來做設計雖然不是什麼新鮮事, 有人會諗"MMM都做過啦!" 但LI LUN這件頭髮單品的確概念性十足, 比起一般用頭髮做出fringes(流蘇) 效果更有趣.


我最喜愛MONO LEE這個系列, 雖然整個系列以單一白色為主心, 但它充滿系列感之餘, 細節亦可見於不同的單品上, 特別是每套OUTFIT 的外套設計. 看得叫我拍爛手掌!


DEREK CHAN 的作品盡顯3D DRAPING(立體剪裁)功力, 加上用了印花技術做出細緻紋理, 絕對能夠稱上是高級時裝.


MIN MAK利用潛水衣料跟晚裝這個組合十分新穎. 論創新能力, 這個系列絕對是第一, 難怪這個系列被選為全場總冠軍.

可能大家睇到依到都會問, 點解每個系列都有欣賞性. 但點解真正跳出黎既係佢?
其實答案某程度係關乎於"系列感"上, 依次比賽既系列, 一套四件, 如果沒有一個focal point(共通點)去連接住每一件衫既, 我地就會覺得四件作品如同陌路人, 互不相識, 咁樣我地望上去就會覺得奇怪, 點解? 因為唔夠coherent(一致性)嘛.

始終, 比賽只係講緊幾套衫既系列, 變化唔能夠太大. 如果可以好似各大品牌每季出成八十套outfits的話當然就當然另當別論.

如果沒有到場欣賞過這個比賽又等唔切香港貿易發展局upload 官方fashion show 影片可以點算?
大家可以去Facebook search "HKYDC", 只要like 左依個page, 好多關於YDC2012 既資料都可以一目了然!
http://www.facebook.com/#!/hongkongYDC


右邊既我當日著左黎自本地時裝品牌既單品, 以行動鼓勵同証明香港既設計係出得大場面既!
黑白幾何圖案CAPE from CHEWTHECUD
湖水藍拼紅色袋口短袖襯衫 from CHAPEL

------
ABOUT ME
zachariahmanhopoon@gmail.com
http://www.facebook.com/zachariahpoon
WEIBO: http://t.sina.com.cn/zachariahmnp